Бас мәзір

Жедел жағдай

2019
Желтоқсан
MoTuWeThFrSaSu
      1
2345678
9101112131415
16171819202122
23242526272829
3031     

 

Департаменттің сенім

телефоны

8(7132) 54-50-25

Өзіндік қауіпсіздік

тобының сенім телефоны

8(7132) 55-00-30

БІРЫҢҒАЙ

СЕНІМ ТЕЛЕФОНЫ
1402

Интерактивті сұрақ

Сіз біздің ұйым жұмысының нәтижелерін қалай бағалайсыз?
 

Авторизациялау



Есептегіш

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін4626
mod_vvisit_counterКеше6404
mod_vvisit_counterБір аптада43832
mod_vvisit_counterБір айда134749
mod_vvisit_counterӨткен айда324879
mod_vvisit_counterБарлығы7209403

ban kaz

Жаңалықтарға жазылу

Сайт бойынша iздестiру

prezident
 Президент Жолдауы
forum
 
 
resizei
kyzmet
 

 

 

 

 

 

 

kabildau

   

Негізгі бет
Болашақ құтқарушылар PDF Басып шығару E-mail

12.12.2019

Будущие спасателиБолашақ құтқарушылар

Қобда ауданы Төтенше жағдайлар бөлімінің жұмыс бағыттарының бірі азаматтарды төтенше жағдайлар кезіндегі іс-әрекеттерге оқыту болып табылады, бұл ретте мектеп жасындағы балаларға, жас құтқарушыларға ерекше көңіл бөлінеді.
Осылайша, «Жас құтқарушы» клубының (үйірмелердің) 2019 – 2020 оқу жылына арналған іс-шаралар жоспарына сәйкес, ТЖ бөлімінің және Қобда ауданының №19 өрт сөндіру бекетінің қызметкерлерімен тұрақты негізде сабақтар өткізуде. Осы іс-шараның басты мақсаты – жас құтқарушыларды өрт қауіпсіздігі, қысқы кезеңдегі қауіпсіздік саласындағы алғашқы білімдерді игеру және төтенше жағдайлар кезіндегі іс-қимылдарына машықтандыру болып табылады.
Бүгінгі күні аудан бойынша 484 оқушыдан тұратын 25 үйірме құрылды. Аталған бағаттағы жұмыстар жалғасуда.

 
Өрттің алдын алуға бағытталған жұмыстар PDF Басып шығару E-mail

12.12.2019

 Работа направленная на предупреждения пожаровӨрттің алдын алуға бағытталған жұмыстар

Үйде автономды өрт хабарлағыштарын орнату – өрттің алдын алу тәсілдерінің бірі.
Ағымдағы жылы Қобда ауданының жергілікті атқарушы органдарымен тұрғын-үй секторындағы өрт жағдайларының алдын-алу мақсатында 30 өрт хабарлағыштары сатып алынды.
Қазіргі таңда Қобда ауданының ТЖБ және 19-ӨСБ қызметкерлері халықтың әлеуметтік жағынан осал топтарына және пешпен жылытылатын үйлерде орнатуда.
Әрбір үйде бөлім қызметкерлері өрт хабарлағыштары туралы егжей-тегжейлі айтып, олардың әрекет ету қағидасын түсіндірді және көрнекі түрде көрсетуде.
Тіпті аздаған жану немесе өрт пайда болған жағдайда датчиктер тез іске қосылып, дыбыс шығарады. Тәжірибеде көрсеткендей, көп өрт жағдайларда адамдар ұйқтап жатқан кезінде қаза болады. Өрт хабарлағыштары ұйықтап жатқан адамды оятып, қауіпті өрт аймағынан кетіп қалу үшін арналған. Аталмыш іс-шараның мақсаты - өрт пайда болу және олардағы адамдардың қаза болу қаупіне неғұрлым бейім топтардың өрт қауіпсіздігін қамтамасыз ету.
2019 жылы жергілікті атқарушы органның көмегімен аудан бойынша 50 үйде өрт хабарлағыштарын орнату жоспарланып отыр.

 
Алдын алу және құтқару іс-шаралары пысықталды PDF Басып шығару E-mail

11.12.2019

Отработаны профилактические и спасательные мероприятияАлдын алу және құтқару іс-шаралары пысықталды

Аудан бойынша өткізіліп жатқан оқу-жаттығу шеңберінде теміржол платформасында инженерлік және арнайы техникаларды тиеу (түсіру) және оларды төтенше жағдайлар аймағына жеткізу әрекеттері сыналды.
Ақтөбе облысының ТЖД өкілдері жаттығу барысында қауіпсіздік талаптарын сақтауға, сонымен қатар бекітпе материалдармен техникаларды бекіту көмегімен қауіпсіз тасымалдауға ерекше назар аударды.
Оқу-жаттығу барысында №2 мектепте өрт шыққан жағдайдағы құтқару шаралары жасалды. Ғимараттың 1-ші қабатында шартты өрт шығып, негізгі эвакуациялық жолдар отпен жабылды. Өрт салдарынан 7 адамға иіс тиіп, 6 адамды 25% күйік шалды. Жедел қызмет келгенге дейінгі объект қызметкерлері мен оқушылар алғашқы көмек көрсетіп, тиісті жұмыстарын атқарып, ғимаратта қалған оқушыларды сәтті түрде құтқарып қалды. Ал медицина қызметкерлері болса өртте қалған оқушыларға арнайы көмек көрсетті.
Сондай-ақ, өрт пайда болған кезде оқушылар мен ұстаздар өрт сөндіру тәсілдерін көрсетті.

 
Тәуелсіз Қазақстан күніне арналған ашық сабақ PDF Басып шығару E-mail

11.12.2019

Открытый урок в честь дня Независимости Республики КазахстанТәуелсіз Қазақстан күніне арналған ашық сабақ

Тарих - бұл Сақтар мен Түркілердің, Қазақ хандығының және Ұлы Отан соғысының кезінде көрсеткен халқымыздың ұлы күресінің куәсі. Бұл біздің өткеніміз және тағдырымыз. Ата-бабаларымыз аңсаған асқақ арманы - тәуелсіздікке қазіргі ұрпақ қол жеткізді. Сондықтан бұл күн қуанышты және маңызды мереке, бүкіл ұрпақтың арманының орындалғанын білдіреді. Тәуелсіздік пен теңдік, егемендік пен мемлекеттілік кез-келген халық үшін құнды ұғым. Ұлттық мереке Тәуелсіздік күніÂ  қарсаңында Ақтөбе облысының ТЖД Өрт сөндіру қызметінің №2 мамандандырылған өрт сөндіру бөлімінің базасында Ақтөбе «Білім-инновация» мектеп-интернатының 8-сынып оқушыларымен ашық тәрбие сабақ өткізілді.Сабақ барысында Өрт сөндіру қызметінің бастығының орынбасары азаматтық қорғау полковнигі Қадыров Арман Кавашұлы оқушыларға құттықтау сөз сөйлеп, сонымен қатар балаларға Қазақстанның тұрғындары, өмірі, мәдениеті, Тәуелсіздік мерекесі туралы айтып өтті. Тәуелсіз Қазақстанның қалыптасу тарихымен таныстырды.
Ашық сабақтың негізгі мақсаты – жас ұрпақты Тәуелсіздік құндылықтарын насихаттауға, отансүйгіштікке тәрбиелеу, патриотизм сезімін дамыту.
Оқушылар сабақты ұйымдастырушыларға белсенді сұрақтар қойып, толыққанды жауаптар алды. Іс-шараның сонында оқушылар № 2 МӨСБ мұражайында Ақтөбе өртке қарсы қызмет гарнизонының тарихымен танысты.

 
Жедел әрекет ету қызметтерінің саптық байқауы PDF Басып шығару E-mail

11.12.2019

Строевой смотр служб экстренного реагированияЖедел әрекет ету қызметтерінің саптық байқауы

Кешенді оқу-жаттығудың екінші күнінде Дөң ауылдық округіне қарасты Оңғар елді-мекенінде Хромтау аудандық жедел әрекет ету қызметтерінің саптық байқауы өткізіліп, жедел әрекет ету қызметтерінің дайындығын аудан басшысы Нағымжан Алдияров пен Ақтөбе облысы ТЖД өкілдері тексерді.
Саптық қарау барысында 9 құрылым, 399 адам, 120 техника жұмылдырылып, өздерінің дайындықтарын көрсетті.
Төтенше жағдай туындаған сәттегі басқару органдарының, күштер мен құралдардың іс әрекетке дайындығын тексеру мақсатында оқу-жаттығу құтқару қызметтері мен азаматтық қорғаныс құрылымдарының жұмысы тексерілді.

 
Кешенді оқу-жаттығудың екінші күні PDF Басып шығару E-mail

11.12.2019

Второй день комплексной тренировкиКешенді оқу-жаттығудың екінші күні

11 желтоқсан күні сағат таңғы 05:15-те «Жарылыс 303» сигналы түскеннен кейін барлық азаматтық қорғаныс қызметінің басшылары мен жедел штаб өкілдері Хромтау қаласындағы Мира көшесі мен Долгова көшесі қиылысында «Протон-М» улы газының жарылуына байланысты жедел штабқа жиналды.
9 қызмет өкілі халықты қауіпсіз аймаққа көшіру жөнінде жоспар құрып, шешім қабылдады. Оқиға орнында 50 бірлік техника жұмысын бастады.
Ақпараттандыру қызметі өкілдері орын алған жағдай жөнінде тұрғындарды хабардар етіп, эвакуациялау пункттерінің орналасу аймақтары бойынша ақпарат берді.

 
Хромтау ауданында кешенді оқу-жаттығулар басталды PDF Басып шығару E-mail

10.12.2019

В Хромтауском районе начались комплексные ученияХромтау ауданында кешенді оқу-жаттығулар басталды

10 желтоқсан күні Хромтау ауданында «Бейбіт және соғыс мезгілінде төтенше жағдайлар қаупі төнген немесе орын алған жағдайда басқарма органдарының апаттық құтқару қызметі мен тұрғындардың әрекеті» тақырыбындағы азаматтық қорғаныс қызметінің қатысуымен кешенді оқу-жаттығу жұмыстары басталды.
Басшылық құрамды азаматтық қорғанысты басқару және төтенше жағдайлардан қорғау органдарын даярлау мақсатында өткізілетін шара аудан әкімдігінің мәжіліс залында аудан әкімі Нағымжан Алдияровтың және Ақтөбе облысы Төтенше жағдайлар департаментінің Дағдарыс жағдайында басқару басқармасының бастығы подполковник Нұрлыбек Айжарықовтың қатысуымен актив жиналысынан басталды.
ТЖ Департаментінің Азаматтық қорғаныс бөлімі бастығы, подполковник Руслан Сахиев аудан активіне күнтізбелік жұмыс жоспарын түсіндіріп, әрбір атқарылған іс өз алдына жекелей бағаланатындығы да жиналыста айтылып өтілді.
Аудан басшысының төрағалығымен өткен жиыннан соң, Департамент өкілдері азаматтық қорғаныс бойынша іс-шараларды ұйымдастыру өкілдерінің тәжірибемен ұштасатын теориялық білім деңгейлерін анықтап, аудан активі басты тақырыпта берілген тест тапсырмаларына жауап берді.
Сонымен қатар, ауылдық округтер әкімдері және азаматтық қорғаныс қызметі басшыларының төтенше жағдайларды жоюға бағытталған күштер мен құралдардың әзірлігі туралы карта бойынша баяндамалары тыңдалып, департамент өкілдері тарапынан сауалдар қойылды.
Аудандағы ірі кешенді оқу-жаттығу шаралары практикалық оқу сабақтарымен жалғасын тапты.
Циркулярлық шақыру тірегін және электрсиреналарды қосу арқылы басқару органдарын хабардар ету мақсатында «Дауыл 111» сигналы берілген соң, төтеннен қауіп төнген жағдайда азаматтық қорғау құрылымдарының іс-әрекеттері пысықталды. Маселен, «ТЖ туралы ақпарат түскен кезде төтенше жағдайларды жою жедел штабының жұмысы» мазмұнында ауылдық округ әкімдерімен, ауданның АҚ қызметінің басшыларымен, жедел ден қою жасағының командирімен теориялық сабақ, «Аудан картасында көрсету және шартты белгілер қою арқылы ТЖ жоюға шешім қабылдау» тақырыбында практикалық сабақ өтті.
Сондай-ақ, оқу-жаттығуларға қатысушылар эвакооргандар мен жинау-көшіру бекеті басшыларының қатысуымен «Ақтөбе қаласынан эвакуацияланған халықты қабылдау және орналастыруды ұйымдастыру» хақындағы теориялық сабақтарда белсенділік танытты.
Әрі қарай, оқу-жаттығуды өткізу жоспарына сәйкес аудандық азаматтық қорғау басқару органдарының төтенше жағдай кезіндегі әрекеттеріне даярлық мақсатында аудан әкімінің орынбасары, қабылдау комиссиясының төрайымы Меткүл Қосымбаеваның төрағалығымен жиын өтті.
Эвакооргандар мен жинау-көшіру бекеті басшыларының қатысуымен өткен жиында Департаменттің АҚБ аға офицері капитан Иса Байтұрсынов оқу-жаттығуға қатысушыларға «Ақтөбе қаласына эвакуацияланған халықты қабылдау және орналастыруды ұйымдастыру» тақырыбында теориялық сабақ өткізіп, халықты төтенше жағдай орын алған жерден қауіпсіз аймаққа көшіру барысын егжей-тегжейлі айтып, бейне материалдар көрсетіп, қатысушылар тарапынан сұрақтар қойылып, нақты жауап берілді.
Сөз соңында капитан Иса Байтұрсынов азаматтық қорғау қызметтері өкілдеріне теориялық білімді жаттығу, машықтану әрекеттерімен ұштастыра отырып, іс жүзінде халыққа қызмет көрсетуге даяр болу қажеттігін баса айтты.
Сондай-ақ, «ТЖ туралы ақпарат түскен кезде төтенше жағдайларды жою жедел штабының жұмысы» мазмұнында ауылдық округ әкімдерімен, ауданның АҚ қызметінің басшыларымен, жедел ден қою жасағының командирімен теориялық сабақ өткізілді.
Облыстан келген мамандар құжаттар мен жоспарлау қағаздарын қабылдап, оларға тексеру жүргізіліп, теориялық және практикалық сабақтар аяқталған соң, күн қорытындысы шығарылып, талданды.
Сондай-ақ, келесі оқу-жаттығу күніне міндеттер қойылып, жоспар мен жұмыс бағыты сараланды. Әрбір атқарылған іс өз алдына жекелей бағаланатындығы да жиналыста айтылып өтілді.

 
Жылыту маусымы кезіндегі өрт қауіпсіздігі және қысқы кезеңдегі қауіпсіздік туралы брифинг PDF Басып шығару E-mail

10.12.2019

Брифинг о пожарной безопасности в период отопительного сезона и безопасность в зимний периодЖылыту маусымы кезіндегі өрт қауіпсіздігі және қысқы кезеңдегі қауіпсіздік туралы брифинг

2019 жылғы 10 желтоқсанда Өңірлік коммуникация қызметінде «2019-2020 жылдардағы жылыту маусымында тұрғын үй секторындағы өрт қауіпсіздігінің алдын алу» және «Қысқы кезеңдегі қауіпсіздік» тақырыбында брифинг өтті. Брифингтің мақсаты – қыс мезгіліндегі ықтимал төтенше жағдайлардың алдын алу және облыс тұрғындарының қауіпсіздігін қамтамасыз ету. Брифинг спикерлері: Ақтөбе облысы ТЖД бастығының міндетін уақытша атқарушы азаматтық қорғау полковнигі А.Д. Төлешев, Азаматтық қорғау саласындағы зілзалалар қауіп-қатерін азайту және бақылау басқармасы бастығының орынбасары азаматтық қорғау полковнигі Қ. Б. Тұрмағамбетов, Ақтөбе облысы ПД бастығының бірінші орынбасары полиция полковнигі Қ.С. Алиев, сондай-ақ брифингке «Ақтөбе облысының жолаушылар көлігі және автомобиль жолдары басқармасы» ММ басшысы М. Е. Ибрашев, «Қазақавтодор» ЖШС директоры Е.Е. Әмірбеков, «ҚазАвтоЖол» ҰК АҚ директоры М.С. Махамбетов шақырылды.
Өз сөзінде А. Д. Төлешев Департамент жүргізіп отырған жұмыстан бастады. 15 тамыздан бастап І-кезең шеңберінде Департамент ЖАО (әлеуметтік қорғау, білім беру, денсаулық сақтау органдары), үкіметтік емес және волонтерлік ұйымдардың, бұқаралық ақпарат құралдарының, мемлекеттік емес өртке қарсы қызметтердің қатысуымен 39 мыңнан астам адамды қамтитын 13 мыңнан астам (13 570) рейд өткізді, оның ішінде: 28524 адамды қамтитын 7308 көп балалы отбасы, 8 302 адамды қамтитын 4 004 аз қамтылған отбасы, 596 жалғыз басты мүгедектер, 1546 жалғыз басты зейнеткерлер және 235 адамды қамти отырып, әлеуметтік қарсы өмір салтын жүргізетін 116 үй қамтылды.
Үкіметтік емес ұйымдармен бірлесіп халықтың әлеуметтік осал топтарына жататын отбасыларға 78 бірлік өртке қарсы датчиктер, 10 бірлік өрт сөндіргіштер мен өртке қарсы төсемдер берілді. Сондай-ақ, 2019 жылдың басынан бастап ("ҚазТрансГаз Аймақ "АҚ филиалының мәліметі бойынша») облыс аумағында жаңадан іске қосылған тұрмыстық газбен жабдықтау жүйелерінде 6 мыңнан астам (6330) датчиктер орнатылды, оның ішінде 3641 улы газ датчигі және 2611 табиғи газ датчигі.
Асқар Даулетбаевич тұрғын секторларда болып жатқан өрттердің негізгі себептеріне тұрғындардың отпен абайсыздығы, пештерді, тұрмыстық газ құрылғыларын орнату және пайдалану кезінде өрт қауіпсіздігі ережелерін бұзу, электр жабдықтарын монтаждау және техникалық пайдалану ережелерін бұзу, балалардың отпен ойнауы, тұрмыстық электр аспаптарын пайдалану кезінде өрт қауіпсіздігі ережелерін бұзу жататындығына ерекше назар аударды.
Департамент қызметкерлері жеке секторлардың аулаларын аралау, алдын алу рейдтерін өткізу кезінде халықты ақпараттандыру бойынша профилактикалық іс - шаралар тұрақты түрде жүргізуде (түсіндіру сипатындағы жадынамалар беріледі), дауыс зорайтқыш байланыс арқылы, облыстық "AQTOBE" телеарнасында, «Облыстың қалалары мен аудандарының LED-экрандарда ескерту сипатындағы бейнероликтер күн сайын трансляциялау арқылы жүргізіледі; облыстың жалпы білім беру мекемелері, ЖОО, колледждері арасында интерактивті сабақтар өткізіледі; оқушылардың қатысуымен әртүрлі акциялар өткізіледі.
2019-2020 жылдардағы жылыту кезеңінде жүргізіліп жатқан жұмыстарға қарамастан бүгінгі күні 4 адам қаза болып, 3 адам зардап шекті.
Сонымен қатар, «Darmen» мобильді қосымшасы іске қосылды, ол дауылды гидрометеорологиялық құбылыстар, сейсмикалық қауіптілік қатерлері, қысқы кезеңде автомобиль жолдарының жабылуы, республиканың барлық аумағында алдын алу және басқа да іс-шаралар туралы халықты уақтылы хабардар етуді қамтамасыз етуге мүмкіндік береді.
«Қазгидромет» РМК мәліметтеріне сәйкес, қарашаның басынан бастап күннің суытуына байланысты 11 рет дабылды ескерту жарияланды. Осыған байланысты облыс әкімінің облыстық және аудандық АҚМЖ кіші жүйелерін ерекше өкімге дейін жұмыс істеуге жоғары дайындық режиміне ауыстыру туралы өкімі енгізілді және әрекет етеді.
Облыстың автожолдарында 31 авариялық-құтқару жұмыстары жүргізілді.
Соның нәтижесінде 75 адам құтқарылып, 247 адам эвакуацияланды, оның ішінде 12 бала, 7 адамға медициналық көмек көрсетілді, 12 адам ауруханаға жатқызылды, 22 адам зардап шекті.
Брифингте баяндамашы Құмар Тұрмағамбетов, облыс жолдарында қыс мезгілінде болатын төтенше жағдайларға ерекше тоқталып өтті. Ол синоптиктердің болжамдарын міндетті түрде қадағалау және ТЖ департаментінің ескертпелеріне құлақ асу қажеттігін айтты. «Ұзақ жолға шығар алдында республикалық және облыстық деңгейдегі жолдардың жай-күйі туралы "112" телефоны арқылы хабарласып білуі қажет. Апат болған жағдайда, міндетті түрде ТЖ Департаментінің жедел кезекшісіне хабарласу қажет», - деп атап өтті спикер.
Сонымен қатар, ДП бастығының бірінші орынбасары Қанат Әлиев облыстың автожолдарында зардап шеккен тұрғындарға алғашқы көмек көрсету үшін 153 жылыту пункті бар екенін еске салды. Облыс аумағында 17 рет республикалық және облыстық маңызы бар автожолдарда автокөлік құралдарының қозғалысы тоқтатылды. (Респ.маңызы бар - Самара-Шымкент-11 рет, Ақтөбе-Орынбор – 1 рет, Ақтөбе-Астрахань - 1 рет. Ақтөбе-Орск-1 рет, обл.маңызы бар – 5 рет-Ақтөбе-Болгар-Шұбарқұдық-2 рет, Шұбарқұдық-Ойыл-Қобда - 1 рет, Хромтау-Бадамша – 1 рет, Покровка-Темір-Кеңқияқ-Ембі – 1 рет).
Полиция департаментімен республикалық және облыстық маңызы бар жолдарда жол қозғалысына қатысушылардың қауіпсіздігін қамтамасыз ету мақсатында жолдарды жабу кезінде ілесіп жүру жұмыстары ұйымдастырылды. Осы жұмысты орындау барысында 1000-нан астам автокөлік шығарылды. Сонымен қатар, жол қозғалысын қамтамасыз ету кезінде қар құрсауында қалған жолаушыларға көптеген құтқару жұмыстары көрсетілді.
Брифинг барысында журналистер полиция және ТЖ департаментінің қызметкерлеріне, жол қызметінің шақырылған өкілдеріне сұрақтар қойды. Барлық қойылған сұрақтарға толық және нақты жауаптар берілді.

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

2 -парақ, барлығы 265