Бас мәзір

Жедел жағдай

2018
Қазан
MoTuWeThFrSaSu
1234567
891011121314
15161718192021
22232425262728
293031    

 

Департаменттің сенім

телефоны

8(7132) 54-50-25

Өзіндік қауіпсіздік

тобының сенім телефоны

8(7132) 55-00-30

БІРЫҢҒАЙ

СЕНІМ ТЕЛЕФОНЫ
1402

Интерактивті сұрақ

Сіз біздің ұйым жұмысының нәтижелерін қалай бағалайсыз?
 

Авторизациялау



Есептегіш

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterБүгін1482
mod_vvisit_counterКеше4420
mod_vvisit_counterБір аптада5902
mod_vvisit_counterБір айда108440
mod_vvisit_counterӨткен айда144755
mod_vvisit_counterБарлығы4504343

ban kaz

Жаңалықтарға жазылу

Сайт бойынша iздестiру

prezident
 
 
 
resizei
kyzmet
 

 

 

 

 

 

 

kabildau

   

Негізгі бет Ақпарат Жаңалық таспасы
Жедел кеңес отырысы өткізілді PDF Басып шығару E-mail

22.10.2018

Проведено заседание оперативного совещанияЖедел кеңес отырысы өткізілді

2018 жылғы 18 қазанда Ақтөбе облысы Төтенше жағдайлар департаментінің (бұдан әрі - Департамент) Дағдарыс орталығында Департамент бастығы азаматтық қорғау подполковнигі Б. Сыздықовтың төрағалығымен Департаменттің құрылымдық, аумақтық және ведомстволық бағынысты бөлімшелері басшыларының қатысуымен жедел кеңес отырысы өтті.
Кеңес барысында "Қазақстандықтардың әл-ауқатының өсуі: табыс пен тұрмыс сапасын арттыру" атты Мемлекет басшысының Қазақстан халқына Жолдауын жеткізу бойынша түсіндіру жұмыстары жүргізілді, сонымен қатар, "Департамент пен оның бөлімшелеріндегі қызметтік-әскери тәртіптің, заңдылық пен тәрбие жұмысының жай-күйі туралы", "Бірыңғай кезекші-диспетчерлік қызмет жұмысының жай-күйі туралы", "Техникалық қызмет және мәселелер бар құлақтандыру қызметін жетілдіру және оларды шешу жолдары туралы" мәселелер талқыланды. Сонымен қатар Әйтеке би, Қарғалы және Мұғалжар аудандардың ТЖБ бастықтары тыңдалды.
Күн тәртібі бойынша мәселелерді талқылай отырып, отырыс төрағасы егжей-тегжейлі тапсырмалар берді, олар жедел кеңестің хаттамалық шешіміне енгізілді.

Көбірек ақпарат...
 
Қоғамдық денсаулық сақтау қызметкерлері үшін өрт қауіпсіздігі бойынша нұсқаулық PDF Басып шығару E-mail

22.10.2018

ИНСТРУКТАЖ ПО ПОЖАРНОЙ БЕЗОПАСНОСТИ ДЛЯ СОТРУДНИКОВ ОХРАНЫ ОБЩЕСТВЕННОГО ЗДОРОВЬЯҚоғамдық денсаулық сақтау қызметкерлері үшін өрт қауіпсіздігі бойынша нұсқаулық

Жылыту маусым басталғанан бері өрт қауіпсіздігі шараларын тек қана халыққа емес мекеме және кәсіпорындар жұмысшыларына оқыту профилактикалық өрт қауіпсіздігі шараларын түсіндіру жұмыстарын жүргізді.
2018 жылдың 16 қазанда «Ақтөбе облысы қоғамдық денсаулық сақтау департаменті» РММ қызметкерлері үшін өрт қауіпсіздігі шаралары бойынша өткізілді.
Қызметкерлер объектідегі жұмысшыларға өрт қауіпсіздік ережелерін қатаң сақтауды, өртке қарсы қызметтің телефон нөмірлерін жатқа білудің, өрт сөндіретін құралдарды пайдалана білуді, өрт шыға қалған уақытта адамдарды шығарудың дұрыс жолын білуді ескертіп айтты. Сондай-ақ нұсқаулық барысында өрт белгілерін анықтау бойынша іс-әрекеттер алгоритмі әзірленді.
Объектілерде өрт болған жағдайда, ешқандай жағдайда дүрбелеңге жол бермеу керек.Қызметкерлер өздері ұйымдасып алмай, түтін аймағын ешқашан тастамауы керек.Бір топ адамдар, дүрбелеңде оттан қашып, тар жолда әрі шығар есіктің алдына топ болып жиналып қалып жатады. Егер қызметкер дайын болмаса, мекемеде арнайы ескерту құралдары болмаса, қысылып қалу мен түрлі жарақат алу жағдайларына себеп болуы мүмкін.
Сондықтан да мекеменің барлық қызметкерлері өртке қарсы нұсқаулықпен танысып болған соң және кейіннен өрт-техникалық минималды бағдарламада оқытылғаннан кейін ғана жұмысқа алынуы қажет, лауазымы ауысқан жағдайда басшы орнатқан алдын алу мен болуы мүмкін өрттерді өшіруге бағытталған қосымша оқытылуы керек.
Мекемеде орын алған өрт оқиғасы кезіндегі әрекеттер:
1. Жедел түрде өрт сөндіру қызметін «101» немесе «112» нөмірлеріне қоңырау шалу арқылы, өзіңіздің дәл мекен-жайыңызды хабарлап, өрт шыққан мекемені атап, өрт сөндіру бөлімін күтіп алу керек;
2. Егер өрт енді ғана басталса, оған су құйып, қалың көрпемен, құммен немесе топырақ шашу арқылы оңай өшіре аласыз;
3. Жанып жатырған электр тоқтарын немесе электр құрылғыларын су шашып өшіруге тырыспаңыз, ол өміріңізге өте қауіпті болуы мүмкін;
4. Егер де отты өзіңіз өшіре алмайтынын сезсеңіз дереу мекемеден шығуға жұмыстаныңыз, жаныңыздағы адамдарға да шығуға мүмкіндігінше көмектесіңіз. Өрт шыққан аймақтан тездетіп балаларды, қарттар мен мүгедектерді алысырақ апарыңыз. Мекемеде мүмкіндігіңіз болып жатса, электр жарығы мен газды сөндіріп тастаңыз. Ең алдымен, өрт шыққан аймақтағы көбірек қауіп төніп тұрған адамдарды шығару керек, сонымен қатар жоғарғы қабаттағыларды, балаларды, егде жастағы әрі науқас адамдарды алдымен шығарып жіберіңіздер;
5. Түтін басқан бөлмеде көрінбейтін жерге тығылуға тырыспаңыз.
Өрт кезінде түтін бөлменің жоғарғы жағына жиналып қалады, сондықтан қатты түтіндеген кезде еңкейіп немесе еңбеу қажет, себебі өрттің улы заттары жылы ауамен жоғарығы жиналып қалады, сулы қол орамалмен аузыңызбен мурныңызды бітеп, төрт аяқтап немесе еңббектеп бағытыңызды жоғалтып алмас үшін жармен жағалап есікке қарай жүріңіз.

Көбірек ақпарат...
 
Ақтөбе облысының құтқарушылары кәсіби мерекені атап өтті PDF Басып шығару E-mail

19.10.2018

Актюбинские спасатели отметили профессиональный праздникАқтөбе облысының құтқарушылары кәсіби мерекені атап өтті

Әлемдегі ең асыл және жанкешті мамандық иелері – құтқарушылар 19 қазан күні төл мерекелерін атап өтті. Тек адал және өз ісін сүйетін адамдар ғана осы салада жұмыс істей алады.
Құтқарушы мамандығы - кәсібилік, абырой және ерлік болса, Құтқарушы күні - бұл көбінесе өз өмірін басқалар үшін тәуекелге тігіп, құтқарып қалатын адамдар күні. Қазан айының бұл атаулы күні таңертеңнен бастап Ақтөбелік құтқарушыларға туыстарынан, от пен суға бірге түсуге дайын қызметтестерінен және курстастарынан құттықтаулар толастамай түсіп жатты.
Сағат 9.00-де өртке қарсы қызметтің еңбек сіңірген ардагері Баетов Туульдукті еске алуға арналған мемориалдық тақтаның ашылу салтанаты өтті. Ескерткіш тақта №4 өрт сөндіру бөлімінің қасбетіне орнатылды.
11.30-да Шығармашылық академиясы ғимаратының алдындағы алаңда азаматтық қорғау саласындағы авариялық-құтқару жабдықтары мен технологияларының көрмесі өтті.
Одан әрі Шығармашылық академиясының ғимаратында Құтқарушылар күнін мерекелеуге арналған салтанатты іс-шара өтті. "Төтенше" ведомствоның қызметкерлерінен басқа мерекеге облыс және қала, аудан басшылары, азаматтық қорғау органдарының ардагерлері мен өзара іс-қимыл жасайтын ұйымдардың өкілдері қатысты.
Іс-шараның ресми бөлімінде облыс әкімі С.Туленбергенов, қала әкімі И.Испанов, ардагерлер кеңесінің төрағасы Б.Айтқұлов және Ақтөбе облысы ТЖД бастығы азаматтық қорғау подполковнигі Б. Сыздықов құттықтау сөз сөйледі.
Кәсіби мерекеге орай үздік құтқарушылар мен азаматтар (40-қа жуық адам) ҚР ІІМ басшысы, ҚР ІІМ ТЖ Комитетінің төрағасы, облыс және қала әкімі, сондай-ақ Департамент бастығы атынан алғыс хаттармен марапатталды.
Ерекше көзге түскен құтқарушылардың жұмысы арнайы наградалармен бағаланды. "ӨСжАҚЖҚ" ММ № 1 мамандандырылған өрт сөндіру бөлімі бастығының орынбасары азаматтық қорғау майоры А.Т.Үмбетбаев "Төтенше жағдайлардың алдын алуда және жоюда үздік шыққаны үшін" медалімен, "ӨСжАҚЖҚ" ММ №1 мамандандырылған өрт сөндіру бөлімінің бөлімше командирі азаматтық қорғау аға сержанты Ж.Қ.Сұлтанов "Құтқару операцияларына белсенді қатысқаны үшін" төсбелгісімен, "ӨС және АҚЖҚ" ММ құтқару бөлімшелерінің басшылары – құтқарушылары В.С.Косовец және Н.С.Бозшин ІІ және ІІІ дәрежелі "Құтқарушы" төсбелгілерімен марапатталды.
Қала әкімі И.Испанов "ӨСжАҚЖҚ" ММ және Ақтөбе қаласы ТЖ басқармасының бастықтарына салтанатты түрде жергілікті бюджет есебінен сатып алынған екі "УАЗ" өрт сөндіру автокөлігінің кілтін табыс етті.
Өрт сөндіру-құтқару спорты бойынша жарыстарды ұйымдастыруда қолдау көрсеткендері үшін "АСТРС" ЖШС, "Пожарная автоматика ― Сервис" ЖШС, "Комплекс - К" ЖШС, "Комсомол" ЖШС, "Даут-М" ЖШС басшылары "Қазақстан Өрт сөндіру-құтқару спортына 60 жыл" төсбелгісімен марапатталды.
Азаматтық қорғаудың мемлекеттік жүйесін дамытуға қосқан үлесі үшін "Жас Отан" жастар қанаты Ақтөбе облыстық филиалының төрағасы А.Ж.Бүркіталин және Ақтөбе қаласының ішкі саясат бөлімінің басшысы Е.О.Нұрғалиев Ақтөбе облысының ТЖД бастығының қолынан грамоталар алды.
Сонымен қатар, өрт кезінде тұрғындарды эвакуациялауға көмек көрсеткені үшін Тимошенко Александр Васильевич, Калмыков Владимир Владимирович, Абу Асимхан Барсайұлы және Суналов Юнус Омарович марапатқа ие болды.
Қиын да қауіпті қызметтері үшін құттықтаулар және алғыс хаттар табысталып, тыныш ауысымдар мен құрғақ жеңқұбырлар тілеген дәстүрлі тілектерден кейін мерекенің шарықтау шегі қалалық Оқушылар сарайы тәрбиеленушілерінің орындауындағы музыкалық құттықтауларға ұласты.

Көбірек ақпарат...
 
Өртке қарсы қызмет ардагерінің құрметіне мемориалдық тақтаның ашылуы PDF Басып шығару E-mail

19.10.2018

Открытие мемориальной доски в честь  заслуженного ветерана противопожарной службыӨртке қарсы қызмет ардагерінің құрметіне мемориалдық тақтаның ашылуы

19 қазан күні Ақтөбе қаласында өртке қарсы қызметінің еңбек сіңірген ардагері Баетов Туульдукті еске алуға арналған мемориалдық тақтаның салтанатты ашылу рәсімі өтті. Ескерткіш тақта Ақтөбе облысының ТЖД "ӨСжАҚЖҚ" ММ №4 өрт сөндіру бөлімінің қасбетіне орнатылды.
Осы маңызды оқиғаның құрметіне бөлімнің жеке құрамы салтанатты түрде сап түзеді. Сондай-ақ, іс-шараға азаматтық қорғау органдарының ардагерлері мен туыстары жиналды.
Шараны Ақтөбе облысының Төтенше жағдайлар департаментінің бастығы, азаматтық қорғау подполковнигі Б.Сыздықов ашты. «Өрт сөндірушілердің құрметіне мемориалдық тақтаның ашылуы - бұл батырлар туралы естелік, өрт сөндірушілердің жүргізген жұмысы үшін ізбасарларының алғысы мен құрметі. Бүгінгі кәсіби мереке аясында біз мұнда өрт сөндіру күзетінің ардагері, өкінішке орай, қазіргі таңда ортамызда жоқ тәлімгер – Туульдук Баетовқа құрмет көрсету үшін жиналып отырмыз. Бұл - Ақтөбе облысының гарнизоны үшін маңызды оқиға. Мемориалдық тақтаның ашылуы – бүгінгі күні ортамызда болмаса да, жүйені құру мен дамытудың бастауында тұрған адамдарға деген және бүгінгі күні отпен күресіп, адамдарды құтқарып жүрген ерлерге деген шексіз "рахметіміз". Қазіргі таңда Ақтөбеде әртүрлі оқиғаларға жедел ден қоятын сенімді өрт сөндіру қызметінің ұжымы қызмет атқаруда. Сіздердің әрқайсыңызға еңбектеріңіз үшін шын жүректен алғысымды білдіргім келеді. Басқаларды құтқару үшін басын тәуекелге тігетін мұндай мамандықты әркім таңдай алмайды. Және жас ұрпаққа біздің батырларымызды ұмытпай, әрдайым жадымызда сақтау қажеттігін ескертемін» - деп атап өтті Бауыржан Мәдіұлы.
Баетов Туульдук өрттен қорғау тарихында артында үлкен із қалдырды. Ол өте жарқын өмір жолынан өтті, әр түрлі лауазымдарда қызмет етті және барлық жерде өзін тек жақсы жағынан көрсете білді: ол жұмысын - 1963 жылы Ішкі істер органдарында Өрт инспекциясы инспекторы лауазымында бастап, Ақтөбе облыстық атқару комитетінің ІІБ өрт сөндіру күзеті бөлімінің бастығы лауазымында аяқтады. Баетов Туульдук көптеген лайықты кадрларды тәрбиелеп, адал қызмет етіп, Ақтөбе облысының өрт сөндіру-құтқару ісін дамытуға үлкен үлес қосты. Қызмет атқарған жылдары Тууыльдук Баетов Темір қаласында, Қарабұтақ, Шұбарқұдық кентінде өрт сөндіру депосының ғимаратын, сондай-ақ Ақтөбе қаласындағы № 4 өрт сөндіру бөлімінің ғимаратын салу жұмыстарын ұйымдастырды.
Мемориалды тақтаны ашу құрметі Қалалық Ардагерлер кеңесінің төрағасы А.А.Мырзалинге, өрт күзеті ардагері А.Ж.Исаевқа, ТЖД Ардагерлер кеңесінің төрағасы Б. Т. Айткұловқа, сондай-ақ ардагердің зайыбы мен ұлына берілді.
Қатысушылар Туульдук Баетовты бір минут үнсіздікпен еске алды.
ІІМ ардагері И.К.Кудайбергенов пен Қалалық Ардагерлер кеңесінің төрағасы А.А.Мырзалин құттықтау сөз сөйлеп, естеліктермен бөлісті. Ардагердің жұбайы Қ. И.Каирова барлық қатысушыларға батырын есте сақтап, құрметтегендері үшін алғысын білдірірді.
Іс-шара соңында ескерткіш тақтаға гүл шоқтары қойылды.
Өрт сөндіру жолында батылдық танытып, адамдарды құтқарып жүрген азаматтар туралы естеліктер әрдайым біздің жүрегімізде сақталатын болады.

Көбірек ақпарат...
 
«Дұрыс тамақтану негіздері» PDF Басып шығару E-mail

18.10.2018

«Основы правильного питания»«Дұрыс тамақтану негіздері»

Ағымдағы жылдың 12 қазанында №3 Мамандандырылған өрт сөндіру бөлімнің мәжіліс залында, 16 қазан ― Дүниежүзілік азық-түлік күніне орай Ақтөбе облысының ТЖД "ӨС және АҚЖҚ" ММ жеке құрамы арасында "дұрыс тамақтану негіздері "тақырыбында дәріс өткізілді.
Ағзаның барлық өмірлік маңызды функциялары тамақтануға байланысты. Ол—ұлпалар мен жасушалардың даму көзі, олардың тұрақты жаңартылуы, адамның энергиясымен қанығуы. Артық немесе жеткіліксіз түрде дұрыс тамақтанбау ― кез келген жастағы адам денсаулығына елеулі зиян келтіруі мүмкін. Бұл физикалық және ақыл-ой даму деңгейінің төмендеуінен, тез шаршағандығынан, қоршаған ортаның қолайсыз факторларының әсеріне қарсылық көрсете алмауынан, жұмысқа қабілеттіліктің төмендеуінен, ерте қартаюдан, өмір cүру ұзақтығының қысқаруынан көрінеді.
Дәріскер ретінде "Арасан" ЖШС бөлім бастығы А. А Айткулова фаст – фуд және энергетикалық сусындардың зияны, дұрыс тамақтанбаудың салдары туралы айтып берді. :
 Тітіркенгіштік;
 Күштің құлдырауы;
 Бас ауруы;
 Тері проблемалары;
 Қант диабеті (сусамыр);
 Гастрит немесе асқазан жарасы.
Дәріс барысында қызметкерлер белсенділік танытып, қойылған сұрақтарына жауап алды.
Сақ болыңыз, денеңізге қамқорлық жасаңыз!-деп қорытындылады дәріскер.

Көбірек ақпарат...
 
«Алтын күз» PDF Басып шығару E-mail

18.10.2018

«Золотая осень»«Алтын күз»

Ағымдағы жылдың 17 қазанында 1-МӨСБ аумағында Ақтөбе гарнизонының өртке қарсы қызмет бөлімшелерінің офицерлер құрамының арасында Құтқарушы күніне арналған «Алтын күз-2018» жарысы өткізілді. Жарыс екі жаттығу бойынша өткізілді: жаттығу мұнарасының 4-қабатына шабуыл сатысымен көтерілу және жаттығу мұнарасының 3-қабатына үш иінді сатысымен көтерілу.
Оған 50-ден астам офицер қатысты. Шабуыл сатысымен көтерілу бойынша үздік нәтиже көрсеткендер:
1 орын – КӨСҚ жедел кезекшісі, азаматтық қорғау подполковнигі Р. Умаров
2 орын – 1-МӨСБ бастығының орынбасары, азаматтық қорғау капитаны Б. Бубеков.
3 орын – 9-ӨСБ қарауыл бастығы, азаматтық қорғау аға лейтенанты Д. Арын.
Оқу мұнарасының 3-ші қабатының терезесіне жылжымалы саты орнату және көтеру бойынша:
1 орын – 7-ӨСБ командасы ;
2 орын – «ӨС және АҚЖҚ»ММ командасы;
3 орын – № 6-ӨСБ командасы.
Командалық есепте жеңімпаз атанғандар:
1 орын – «ӨС және АҚЖҚ »ММ командасы;
2 орын – 7-ӨСБ командасы;
3 орын – 1-МӨСБ командасы.
Жарыс соңында – жеңімпаз командалар дипломдармен марапатталды.

Көбірек ақпарат...
 
Өрт сөндіру күзетінің ардагері Нарегеев Есенжол: "Біздің борышымыз – адамдарды қорғау және құтқару» PDF Басып шығару E-mail

17.10.2018

Ветеран пожарный охраны Нарегеев  Есенжол:  «Наше  призвание – это защита и спасение людей»Өрт сөндіру күзетінің ардагері Нарегеев Есенжол:
"Біздің борышымыз – адамдарды қорғау және құтқару»

Осы жылдың жаз айында өрт күзетінің ардагері және азаматтық қорғау аңызы Есенжол Нарегеев өзінің 70 жылдық мерейтойын атап өтті.
Қадірлі жасына қарамастан, ардагер өте оптимист, белсенді өмірлік позицияға ие, ең бастысы, қандай да бір пайда келтірсем деп тұратын шынайы мейірімді жан. Өрт сөндіру күзетінде қызмет өткерген жылдары туралы өзінің жолын қуушылармен үлкен ықыласпен бөліседі.
Ол 1948 жылы Ақтөбе облысы Новороссийск ауданының Магаждан совхозында дүниеге келген.
Өзінің еңбек жолын 17 жасында "Ақтөбе рентген" зауытының Ақтөбе облыстық тұтынушылар одағының шикізат базасында қосалқы жұмысшы болып бастады.
Балалық шағынан өрт сөндіру қызметінде жұмыс жасауды қалаған ол 1968 жылы КСРО ІІМ-нің Свердлов өрт-техникалық училищесіне түседі. Оқуын сәтті аяқтап, 1971 жылы Ақтөбе облысына оралады. Жұмысқа бөлу кезінде Ақтөбе облысы Байғанин аудандық ІІБ-нің Мемлекеттік өрт қадағалауына жіберіледі. Мұнда ол өз қызметін инспекция бастығы лауазымынан бастайды. Одан кейін басқа да өрт сөндіру бөлімдерінде де ӘПК-нің бастығы, ІІБ-нің облыстық өрт сөндіру күзеті бөлімінің инспекторы, Ақтөбе облысы ІІБ ӨҚБ-ның бастығы, Ақтөбе облысы ІІБ №54 және 55 дербес әскерилендірілген өрт сөндіру бөлімдерінің бастығы, ІІБ 168/2 ММ әскерилендірілген өрт күзетінің бастығы сияқты әр түрлі лауазымдарда жұмыс істейді. Зейнеткерлікке ішкі қызмет майоры атағымен Ақтөбе облысы Ішкі істер басқармасының өрт күзеті бөлімі мемлекеттік өрт қадағалауының әскери - жұмылдыру және үгіт-насихат жұмыстары бойынша аға инспекторы лауазымында шықты. Бірақ, зейнеткерлікке шыққаннан кейін де ол әлі күнге дейін "АХҚЗ" АҚ мемлекеттік емес өртке қарсы қызметінің бастығы ретінде еңбек етіп келеді.
Есенжол Нарегеев сонау жылдары өртті апаттармен қалайша күрескенін асқан жылылықпен еске алады. Шын мәнінде айтылатын естеліктер де көп. Ол басшылық қызмет атқарғанына қарамастан, ең қиын өрттерді жоюға талай рет атсалысып, адамдардың өмірін сақтап қалды.
- «Сол кездерде жанулар да көп болатын. Тәулігіне 3-5 рет шығатынбыз, - дейді ардагер. - Әсіресе жертөлелер қиындық туғызатын. Олар қоқырсып, қоймалар ретінде пайдаланылатын. Сондай-ақ, 90-шы жылдарға дейін кинескоптармен, транзисторлармен, резисторлармен жарақтандырылған кеңестік отандық теледидарлар жиі өртеніп, жарылатын, соның салдарынан аппаратуралар жанып немесе жарылып, нәтижесінде кеңес азаматтарының үйлері мен пәтерлерінде өрттердің туындауына әкеліп соғатын.
Талай рет өндірістік және тұрғын объектілерде орын алған күрделі өрттерді де жоюға қатыстым».
Есенжол Нарегеевич қызмет өткерген барлық жылдары кәсіби дайындық туралы да ұмытпай, өз біліктілігін үнемі арттырып, арнайы курстарда оқудан өткен. Ал, алған білімін әрдайым тәжірибеде қолданып отырған.
Жақсы өрт сөндіруші-құтқарушы болу үшін не істеу керек деген сұраққа Есенжол Нарегеевич: "Жай ғана өз жұмысын сүю керек" деп жауап берді.
Өзінің қызметіне деген адалдығы мен сүйіспеншілігі үшін алғашқы марапатты Е. Нарегеев 1988 жылы алып, "КСРО ІІМ өрт күзетінің үздік қызметкері" төс белгісімен марапатталды. Еңбек сіңірген жылдары мінсіз қызмет еткені үшін КСРО ІІМ 1-ші, 2-ші, 3-ші дәрежелі медальдарымен марапатталған.
Есенжол Нарегеев бүгінгі күні ардагерлер ұйымының қоғамдық жұмыстарына белсенді қатысады, жас жауынгерлерді патриоттық және адамгершілік рухта тәрбиелеу бойынша жұмыстарға атсалысады. "ҚР ТЖМ құрметті ардагері" және «ҚР ІІМ құрметті ардагері» медальдарымен марапатталған.
Жұмысының қатерлі және күрделілігіне қарамастан Е. Нарегеев жақындары мен отбасы мүшелерінің өмірлерін де өрт күзетімен байланыстыруына қарсы болмады. Жұбайы Нарегеева Карылғаш та Мемлекеттік өртке қарсы қызмет басқармасында диспетчер болып жұмыс істеді. Қызы - Әсел Теміртаева бүгінде Ақтөбе облысы ТЖД кадр жұмысы бөлімінің бас маманы болып жұмыс істейді. Ал, немересі - Амин Теміртаев Көкшетау техникалық институтына түсу үшін физика мен математиканы меңгеруге бар күшін салып жүр.
Отты майдан майдангері өткен жылдары туралы үлкен ықыласпен және құмарлықпен әңгімелейді: "Бұл мамандық - барлық белгілі мамандықтардың ең мықтысы. Өрт сөндіруші-құтқарушылар өте шыдамды және өте батыл болуға міндетті, және де физикалық дайындықтары да жоғары болуы тиіс. Біздің борышмыз - адамдарды қорғау және құтқару".

Көбірек ақпарат...
 
Өткеннің қателіктерін қайталамайық PDF Басып шығару E-mail

17.10.2018

Не допустим ошибок прошлогоӨткеннің қателіктерін қайталамайық

Кейбір адамдардың өрт қауіпсіздігі мәселесіндегі жауапсыз әрекеттері жиі қайғылы жағдайларға әкеп соқтырады. Мәселен, 2017 – 2018 жылдардағы жылыту маусымында Ақтөбе облысының аумағындағы тұрғын үй секторларында 199 өрт тіркелді, онда өрт кезінде 6 адам қайтыс болса, оның 3- еуі балалар. 24 адам жарақаттанды, оның 12-сі бала. 3 адам өрт кезінде жарақат алып, 16-сы улы газдан уланса, ал қалған 5-еуі табиғи газдан уланған. Өткен жылу беру кезеңінің статистикасынан көрініп тұрғандай, 21 адам өрт туындамай-ақ улы және табиғи газдан уланып, жарақат алған. Бұл адамдардың қарапайым қауіпсіздік ережелерін елемей, өздерінің бейқамдылығынан жарақат алғандығын көрсетеді.
Ақтөбе облысы аумағының басым бөлігі газдандырылғанына қарамастан, пештер жеке үйлерде әлі де негізгі жылу көздерінің бірі болып табылады. Өкінішке орай, үйлеріміздегі пештердің өрт қауіпсіздігі талаптарына сай болмауы көптеген өрттердің себебі болып табылады.
Пешпен жылытуды пайдалану кезіндегі негізгі қауіпсіздік ережелерінің бірі - түтіндіктерді тазалау. Жылыту маусымы басталар алдында пешті мұқият тексеру және жөндеу қажет. Мұржаларды әктеу керек, сонда ғана ысталған жерлерде жарықтарды табу және оларды жою оңай болады. Жылыту маусымы ішінде әрбір үш ай сайын құбырларды тазалау керек. Түтіннің уақытында тазаланбауы күйенің көп жиналуына әкеледі, бұл пештің тартуын азайтады және өрт себептерінің бірі болып табылады. Пеш, түтін мұржасы ағаштан жасалған шатыр немесе қабатаралық жабындармен қосылған жерлер кірпіш қалың қаланып, бөлінуі тиіс. Пеш қабырғаларының қалыңдығын да ұмытпау керек. Жанып жатқан пешті қараусыз тастау немесе жас балалардың өздерін қалдыру өте қауіпті. Пештерді жағу үшін жанғыш және тез тұтанатын сұйықтықтарды қолдануға болмайды.
Кез-келген пештің іргетасы берік болуы керек және қабырғаларының бірі толығымен ағаш конструкцияларға жанаспауы тиіс. Олардың аралығында бос орын қалдыру керек. Пештің алдындағы ағаш еденде көлемі 50х70 см-ден кем емес металл төсеніш болуы қажет. Пештің қатты қызып кетуіне жол бермеу үшін оны күніне екі-үш рет және бір жарым сағаттан асырмай жағу ұсынылады.
Заттар мен дымқыл отынды пешке қойып кептірмеңіз. Және де жиһаз, перделер мен үйдің керек-жарақтары жанып жатқан пештің жанынан кем дегенде жарты метр қашықтықта болуын қадағалаңыз. Жылыту маусымы басталар алдында әрбір пешті, сондай-ақ бөлме қабырғасындағы түтін каналдарын, әсіресе шатырдағы түтін мұржаларын әктеу қажет, сол кезде ғана улы газдардың таралуына себеп болатын жарықтарды байқауға болады. Пешке салынатын отын ошақтың ұзындығына еркін сыйып тұру керек. Жану кезінде от сыртқа шығып, жақын жатқан заттарға, еденге және қабырғаға қарай таралуы мүмкін. Ғимараттардың жанатын және қиын жанатын конструкцияларының (қабырғалар, қалқалар, аражабындар, арқалықтар) пештерге және түтін өткізгіш құбырларға жанасатын жерлері жанбайтын материалдардан қарастырылуы қажет.
Өткен жылыту кезеңінде өрт туындамай-ақ, табиғи газбен улану жағдайлары орын алды, сондықтан да тұрғындарға газ жабдығын пайдалану кезіндегі қауіпсіздік шаралары туралы тағы бір мәрте ескерте кеткіміз келеді.
Тұрмыстық газбен улану қалай болады? Жедел интоксикация газды жұтқан кезде дамиды. Үй-жайлардың ауасында тұрмыстық газ бірнеше жағдайларда пайда болуы мүмкін:
- газ құбырларының түйісу орындарындағы қосылыстардың жұқа болуы;
- газ құбырлары мен шлангтар тұтастығының бұзылуы;
- газ плитасындағы жалынды басқару краны тұтқасының тығыз жабылмауы;
- газ жабдығының ақаулығы;
- суицид немесе кісі өлтіру мақсатында газдың ағуын әдейі ұйымдастыру.
Тұрмыстық газдың түнде таралуы ерекше қауіп тудырады, себебі өрістеуші гипоксия ұйқының физиологиялық жай-күйіне әсер етеді және ол мүлде байқалмайды, бұл ретте зардап шеккендер есін жиып үлгермей, өліп кетеді.
Улану белгілері. Ауадағы газдың шоғырлануына байланысты улану дәрежесі жеңілден ауырға дейін құбылады, ең әрі дегенде – тез улану орын алады. Жеңіл дәрежеде уланғанда: құлақта шу, зыңыл; бас ауруы; бас айналуы; көз бен жұтқыншақты тесу және күйдіру; мұрыннан су, көзден жас ағу пайда болады.
Газдан уланудың алдын алу мақсатында газ жабдығының жай-күйін жүйелі түрде бақылау, оны жарамды күйде ұстау қажет. Техникалық ақау табылған жағдайда, сондай-ақ ақау тууы ықтимал күдікті жағдайда газ беруді дереу тоқтату керек және "104" нөмірі бойынша мамандарды шақыру қажет (қызмет тегін). Газ жабдығы бар үй-жайда желдетуді қамтамасыз ету керек. Газ аспаптарында Автоматты авариялық жүйе болмаған жағдайда – оларды бақылаусыз қалдырмау керек. Әсіресе түнгі уақытта үй-жайларды жылыту үшін газ плиталарын қолданбау керек. Газды пайдаланып болғаннан кейін газ аспаптарындағы крандар мен вентильдерді, ал баллондарды пайдалану кезінде баллондардың вентильдерін жабу керек. Ұзаққа үйден шығарда газ құбырларына газ жіберуді тоқтату керек. Балалар ойындарында газ жабдықтарын пайдалануға жол бермей, балаларды плиталардың, газ баллондарының жанында жалғыз қалдырмау керек. Тамақ дайындау барысында конфорканың құрғақ болуын, оларға сұйықтықтың төгілмеуін қадағалау керек.
Табиғи газ жарылысқа қауіпті қасиеттерге ие және өрт кезінде шығыннан он есе асатын зиян келтіруі мүмкін. Бір адамның абайсыздығынан көп пәтерлі үйлердің қираған жағдайлары белгілі.
Өзіңіздің және жақындарыңыздың өмірін сақтаңыздар!

Көбірек ақпарат...
 
«Бұл - менің жұмысым» PDF Басып шығару E-mail

16.10.2018

«Бұл - менің жұмысым»«Бұл - менің жұмысым»

Біз қаза болғандар мен құтқарылғандар туралы, өзіңіз бен жақындарыңызды суда және тұрмыста жазатайым оқиғалардан қалай қорғау керектігі туралы жиі айтамыз. Баспа басылымдарының беттері құрғақ фактілер мен цифрларға толы және өзгенің қайғысымен бетпе-бет келетіндер, оны жеңуде көмекке келіп, күн сайын адам өмірін сақтап қалатындар туралы ақпарат мүлде аз.
Әңгімеге арқау болып отырған азамат - Оңалбаев Айқын Бақытдаулетұлы әскерден кейін бірден ҚР ІІМ ТЖК Ақтөбе облысы ТЖД Жедел-құтқару жасағына келді. Астана қаласында Қазақстан Республикасы Қарулы күштерінің ішкі әскерлерінде қызмет өткерген жылдары да көп білуге, көп нәрсені үйренді. 2012 жылы Айқын Жедел-құтқару жасағына қабылдау жүргізіліп жатқаны туралы естігенде, ол ойланбастан құтқарушы болам деп шешті.
Алты жыл ішінде ол жоғары сыныпты құтқарушы маман болып қалыптасты, біздің облыстың шалғай аудандарына құтқарушылардың жету, жетпеуі оның шеберлігіне тікелей байланысты, өйткені Айқын жауап беретін техника (бұл - жол талғамайтын ТРЭКОЛ автокөлігі) әрдайым жарамды күйде болып, қажетті сәтте дайын болуы тиіс, ал осы техниканы басқару үшін арнайы екі айлық даярлықтан өтті.
Жасақта жұмыс жасаған уақытта Айқын тек механик-жүргізуші мамандығын игеріп қана қоймай, ол бірінші сыныпты сүңгуір және альпинист атанды. 2016 жылы "Химиялық, биологиялық, радиоактивті және ядролық заттарды пайдалану арқылы инциденттерге әрекет ету» бағдарламасы бойынша Беларусь Республикасы ТЖМ "Қайта даярлау және біліктілікті арттыру институты" мемлекеттік білім мекемесі жанында оқудан өтті.
"Қазқұтқару" республикалық жиын-семинарына тікелей қатыса отырып, сүңгуір және альпинист мамандығын игеріп шықты, алған дағдыларын жұмыста шебер қолданып жүр. Қарлы борандар кезінде Айқынның қатысуымен 150-ден астам адам эвакуацияланды, су тасқыны кезінде су басу аймағынан 70-ке жуық адам шығарылды. Құтқарған адамдарының саны 26 адамды құрайды.
Құтқару операциялары кезінен есінде қалған оқиғалар туралы айтып беруді сұрағанда, ол 2016 жылдың қысқы кезеңінде шопан нүктесінде абайсызда жарақат алған шопанды құтқару сәтін баяндап берді. Малға шөп тасып беріп жүрген шопан абайсызда құлап, шөп тиелген шананы сүйреген жылқының астында қалып, өздігінен қозғала алмай қалады. Терезеден боранның үдей түскенін көріп, отағасының үйге оралмағанына мазасызданған туыстары құтқарушылармен байланысқа шығады. Айқын және екі құтқарушы дер кезінде жетіп, бұғанасы мен аяғы сынып, қақаған аязда қар құрсауында қалған шопанды табады. Аудан орталығынан шопан нүктесін бөліп тұрған жолсыз 90 шақырымды ТРЭКОЛ барынша қысқа уақыт ішінде еңсеріп, зардап шеккен адам ауруханаға жеткізілді және құтқарылды.
Айқын еске алған екінші оқиға жазғы кезеңде Елек өзенінде шомылуға тыйым салынған жерде орын алған. Балаларының көз алдында мас әйел суға батып кете жаздайды. Күшті ағыс үлкен тереңдікке тарта бастағанда ол шашалып, суға бата бастайды. Айқын мен оған көмектескен құтқарушылардың жанқиярлық әрекеттерінің арқасында әйел аман қалады. Анасымен реанимациялық іс-шаралар жүргізіліп жатқан сәттегі балалардың жанарындағы қорқынышты Айқын ешқашан ұмыта алмайтын шығар.
Осындай естеліктерімен бөлісе отырып Айқын "Бұл - менің жұмысым, егер осылай ойласаңыз, іс жүзінде осындай қадамға күн сайын баратын әрбір екінші құтқарушыны батыр деп санауға болады. Біз жай ғана өз ісімізді жасаймыз - адамдарды құтқарамыз, қайғыға душар болған кезде оларға көмекке келеміз, десек те, қайғысына көп жағдайда адамдардың өздері кінәлі екенін ескерсек», - деп ойын білдірді.

Көбірек ақпарат...
 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

1 -парақ, барлығы 174