Үздіктер арасындағы полиглот PDF Басып шығару E-mail

16.08.2019

В конкурсе участвовали лучшие среди полиглотовҮздіктер арасындағы полиглот

Қазақстан Республикасында Тілдерді қолдану мен дамытудың мемлекеттік бағдарламасын жүзеге асыру жөніндегі шаралар шеңберінде, Ақтөбе облысының ТЖД облыстық «Полиглот» байқауы өткізілді. Байқауда Департамент бөлімшелерінің қызметкерлері бақ сынасты. Сонымен бірге, қазылар алқасы ретінде Білім басқармасы жанындағы «Тілдерді оқыту орталығының» оқытушылары шақырылды.
Байқаудың мақсаты-тұңғыш Президентіміз Н.Ә.Назарбаевтың «Тілдердің үштұғырлылығы» мәдени жобасын жүзеге асыру, сондай-ақ қазақ, орыс, ағылшын, тағы басқа да тілдерді еркін меңгерген қызметкерлерді анықтау.
Өрт сөндіру және авариялық-құтқару жұмыстары қызметінің құжаттармен қамтамасыз ету тобының инспекторы Зура Құрманалина, Ақтөбе қаласы Төтенше жағдайлар басқармасының инженері Ардақ Утенов, Департаменттің топ құқығындағы штабтың аға инспекторы Нұрбек Оралбаев және күштер мен құралдарды жедел басқару орталығының диспетчері Аслан Мекебаев қатысты.
«Полиглот» байқауына қатысушылардың алдына қойылған басты міндет – үш тілді білу деңгейін көрсету, терминдердің аудармасын жасау және айту болды. Байқау бес кезеңнен тұрды:
1.Таныстыру;
2.Төтенше жағдайлар саласы бойынша терминдерді аудару;
3.Қазақ халқының салт-дәстүріне, тұрмысы мен мәдениетіне байланысты сұрақтар;
4.Берілген табиғи және техногендік сипаттағы төтенше жағдайлар туралы ахуалды қазақ, орыс және ағылшын тілдерінде бағалап, сипаттап беру
5.Экранда кириллицамен берілген сөздерді латын графикасында жазу.
Барлық қатысушылар қазақ мәдениеті мен халық дәстүрлерін терең білетіндерін көрсетті, сауатты, қатесіз латын әліпбиінде жазу тапсырмасын орындады, сондай-ақ ағылшын тілінде емін-еркін жауап берді.
Қазылар алқасының шешімімен өз қарсыластарынан айтарлықтай озып шыққан Оралбаев Нұрбек Әмірханұлы үздік деп танылды. Ол ағымдағы жылдың қыркүйек айында Ақмола облысы Көкшетау қаласының ТЖД-да өтетін республикалық байқауға қатысатын болады.

 
Қауіпсіз суға шомылу PDF Басып шығару E-mail

12.08.2019

Безопасное купанияҚауіпсіз суға шомылу

10.08.2019 жылы Мәртөк аудандық ТЖБ мен №15 өрт сөндіру бекеті қызметкерлері жергілікті атқарушы органдармен және Мәртөк аудандық Полиция бөлімінің ЖПБ-мен Қазан-2 бөгетіндегі коммуналдық жағажаймен шомылуға тыйым салынған 4 жерде бірлескен рейдтік шара өткізді.Аталған шара барысында азаматтарға суға шомылудың қауіпсіздік ережелері нақты түсіндіріліп,рұқсат етілмеген жерлерде шомылудың қауіптілігі түсіндірілді.

 
«Энергетик-шұғыла» жазғы сауықтыру лагерінде қауіпсіздік ережелерін оқыту PDF Басып шығару E-mail

09.08.2019

Обучение правилам безопасности в летнем оздоровительном лагере «Энергетик-шұғыла»«Энергетик-шұғыла» жазғы сауықтыру лагерінде қауіпсіздік ережелерін оқыту

Ақтөбе қаласы ТЖБ қызметкерлері жазғы балалар лагерлерінде қауіпсіздікті қамтамасыз ету бойынша ақпараттық жұмысты жалғастыруда. Бұл жолы қызметкерлер "Энергетик-Шұғыла" балалар сауықтыру лагеріне барды, онда қала және аудан мектептерінің оқушылары, сондай-ақ Қызылорда облысы, Арыс қаласынан келген балалар жазғы демалысын өткізуде.
Басқарма қызметкерлері оларға жазғы демалыс кезінде өрт қауіпсіздік ережелері туралы айтып, өрттің алғашқы белгілері кезінде өрт сөндіргішті қалай дұрыс қолдану керектігін көрсетті. Сондай-ақ, оқыс оқиғалардың алдын алу мақсатында тәрбиешілерге және балаларға РФ Хабаровск өлкесіндегі балалар шатырлы лагерінде болған өрт туралы айтылды, онда өрт салдарынан бірнеше бала зардап шегіп, бір бала қаза болды.
Қызметкерлер тыңдаушылардың барлық сұрақтарына толық және түсінікті түрде жауап берді.
Балаларға ескерту сипатындағы жадынамалар мен буклеттер таратылды.

 
Батырлар мекені PDF Басып шығару E-mail

09.08.2019

Здесь рождается бесстрашиеБатырлар мекені

Кеше Ақтөбе гарнизонының жаттығу полигонында от жолағынан өтуден көрініс өтті. Елді мекендерден алыс даладағы ашық алаңдағы түтін, коркынышты от жалындары, оқу-жаттығу объектісіндегі жаттығулар, қатысушылардың қозғалысы кинодағы көрініске немесе құмырсқаның илеуіне ұқсағандай болып көрінеді. Бірақ онда әр офицер өз міндеттерін айқын орындап жүргенін көруге болады.
Бұл кедергілерден өтуге арналған кешенді тактикалық жаттығулар болды. Оған Ақтөбе қаласының өрт сөндіру қызметінің барлық офицерлері және қайта құрылған Қызметтің өрт-құтқару бекеттерінің құтқарушылары қатысты.
Жаттығуда Қызмет бастығы азаматтық қорғау полковнигі Д. Ермағамбетов командалық бекеттен емес, әр тапсырманың мақсаты мен міндеттерін түсіндіріп, жеке құраммен бірге кедергілерден өтуге арналған от жолағында жаттығуды бірге өткізді. Жаттығудың басты нысаны - жедел құтқару жасағының жеке құрамы болды. Олар психологиялық дайындықты өрт аймағынан алғаш рет өткізді. Жаңа жауынгерлер от жолағынан кедергісіз өтулері үшін, өрт сөндірушілер орталарына құтқарушы қызметкерлері қойылды.
Тактикалық жаттығулар үшін жабдықталған полигонда оқу-жаттығуларына қатысушыларға от жолағынан тура өту жолдарында кедергілер болатын объектілер орнатылған. Бұл үш қабатты үйдің металл фрагменті, кедергілері бар жер асты лабиринті, жанып жатқан шұңқырдың үстіндегі трап, бұзылған темір жол цистернасының фрагменті.
Оқу-жаттығу барысында қатысушылар тұрғын үй массивіндегі өрттерді сөндіруді, автокөлікте авариялық-құтқару жұмыстарын жүргізуді, орман алқабына таралу қаупі бар дала алқаптарының жануын сөндіруді пысықтады.
Полигондағы оқу-жаттығу өрт сөндірушілердің кәсіби міндеттерін орындау кезінде кездесетін жағдайға жақын болып келеді. Қызметке жаңадан қабылданған құтқарушылар үшін, әсіресе алғашқы жылында, отқа оранған ғимаратқа кіру оңай емес. Қорқыныш пен үрейді жеңу үшін үнемі жаттығу керек.
Өрт сөндіру деп аталатын психологиялық даярлаудың кедергі курсы - бұл өрт сөндірушінің батылдығын арттырудың бір шарты болып табылатын жаттығу.

 
Тыңдаушылармен кездесу PDF Басып шығару E-mail

09.08.2019

Встреча со слушателямиТыңдаушылармен кездесу

2019 жылғы 2 тамызда ҚР ІІМ ТЖК Көкшетау техникалық институтының Ақтөбе қаласындағы Оқу орталығында тәрбие жұмысы аясында "Өрт сөндіруші" санаты бойынша алғашқы оқыту және "құтқарушылар" санаты бойынша алғашқы оқыту және қайта даярлау курстарының тыңдаушылары "Қазақстандық Төтенше жағдайлар органдары ардагерлерінің ұйымы" ҚБ төрағасы Бегендік Таскентович Айткулов, еңбек сіңірген зейнеткері Есенжол Наргеев пен Зарипжан Қадырұлы Тоғайбаевпен кездесу өтті.
Кездесу барысында Б. Т. Айткулов, Е. Н. Наргеев, З. К. Тоғайбаев қызметтік борыш, қызметтік әдеп нормалары мен тәртіпті сақтау туралы, өртке қарсы қызметтің қоғамдағы рөлі, өрт сөндірушінің таңдаған мамандығының маңыздылығы туралы айтып, адал және лайықты азаматтар болуға шақырды.
Кездесу соңында тыңдаушылар ардагер Б. Т. Айткуловқа, Е. Н. Наргеевке, З. К. Тоғайбаевқа қызықты кездесу үшін алғыс айтып, естелік суретке түсті.

 
Өрт сөндіру есебі-жауынгерлік экипаж PDF Басып шығару E-mail

07.08.2019

Пожарный расчет – это боевой экипажӨрт сөндіру есебі-жауынгерлік экипаж

Кез келген еңбек ұжымының табысты қызметі үшін, қызметкерлер арасындағы микроклиматтың маңыздылығын асыра бағалаумыз қажет. Кез келген уақытта әртүрлі күрделі өрттерді жоюға және төтенше жағдайлар кезінде адамдарды құтқаруға дайын өрт сөндіру бөлімдерінің жауынгерлері арасында да бірлік болуы керек. Жиі өмір мен өлім туралы мәселелері тұрған жерлерде, өрт сөндірушілердіңде өміріне қауіп төнеді..
Бұндай жағдайларда жоғары кәсіби дайындықтары мен физикалық деректеріне қарамастан өрт сөндірушілерді ұйымшылдығы, сенімділігі, шынайы достық, бір-біріне иық қоя білу жоғары көрсеткішті береді. Олардың арасында қандай да бір ренжіс және жанжалдар болсада тұрақты табысқа жетуге болады.
Жеке құраммен үнемі байланыста болатын тікелей қарауыл бастықтарына бұл туралы есте сақтау қажет. Қарауыл бастықтары жанжалдардың алдын алу және ұжымның бірлігі мен тұрақтылығын сақтау тәсілдерін білуі тиіс.
Осы мақсатта Ақтөбе қаласында орналасқан Көкшетау техникалық институты оқу орталығында біліктілікті арттыру курсында білім алушы қарауыл бастықтарына 2019 жылдың 6 тамызында психологтар «Дау-жанжалсыз қарым-қатынасты қалыптастыру» тақырыбында тренинг сабағын өткізді. Тренингтің мақсаты ұжымдағы позитивті-эмоционалды-психологиялық және адами ортаны қалыптастыру болып табылады.
Тренинг барысында « Адам мүсінін жасау» жаттығуы қызметкерлердің көңілінен шығып, ойларын өзгертті. Бұл жаттығудың шарты бойынша, қағаздан жасалған адам мүсініне алдымен жаман сөздер айтып қағазды жауып,содан кейін оны жақсы сөздер айту арқылы қайтадан қалыпқа келтіріп ашу керек.Нәтижесінде, қағазда қалған қыртыс сияқты, жанымыздағы адамдарға қатты айтылған сөздер, кейде сол қыртыс сияқты ішінде қалып қояды. Осы жаттығу арқылы қызметкерлер ұжым арасындағы ынтымақтастықты дамыту, дау-жанжалдан аулақ болу, және әрдайым жақсы сөздермен қолдау көрсете білу маңызды екенін түсінді.

 
Рейдтік іс-шаралар PDF Басып шығару E-mail

05.08.2019

Рейдовые мероприятияРейдтік іс-шаралар

Ағымдағы жылдың 1-ші тамызынан бастап Шалқар ауданы аумағында 2019-2020 жылдардағы жылу беру маусымында тұрғын-үйлердегі өрттің алдын алу жөніндегі профилактикалық іс-шаралар жоспарына сәйкес Шалқар ауданының Төтенше жағдайлар бөлімімен №7 өрт сөндіру бөлімінің қызметкерлерімен тұрғындар арасында өрт қауіпсіздігін қамтамасыз етуге бағытталған рейдтік іс-шаралар жүргізілуде. Көзді ашып жұмғанша қыстың қатаң ауа-райы де жетіп келетіні баршамызға мәлім. Сол себепті аудан қызметкерлерімен әр тұрғын үй жеке араланып, тұрғындарға өрттің алдын алу мақсатында ақыл-кеңестермен алдын алу сипатындағы нұсқаулықтар жүргізілуде. Рейд барысында тұрғын-үй пештерімен мөржелерінің жарақтылығы жетік тексеріліп, арнайы жадынамалар таратылуда.

 
Жеңімпаздармен салтанатты кездесу PDF Басып шығару E-mail

05.08.2019

Торжественная встреча спортсменовЖеңімпаздармен салтанатты кездесу

Бүгін таңертең Ақтөбе темір жол вокзалында өрт сөндіру-құтқару спорты бойынша ҚР XXVI чемпионатының қатысушыларын қызмет бойынша әріптестері, ақтөбелік спортшылардың жанкүйерлері және жалпы fire-sport жанкүйерлері қарсы алды. Олар осындай салтанатты кездесуге лайық.
Чемпионаттың қорытындысы бойынша Атырау қаласында өткен біріншілік үшін қызу күресте біздің қыздар командасы көшбасшылар үштігіне еніп жүлделі орынға , ерлер командасы 5-ші орынға ие болды. Бірақ 18 команда қатысқан республикалық біріншілікте олардың көрсеткіштерінің үлес салмағы әлі де жоғары.
Ақтөбе ерлер командасы екі жыл қатарынан жауынгерлік қанат жаю бойынша чемпион атанды. Осы чемпионатта олар үздік нәтиже көрсетіп, жауынгерлік қанат жаюда қарсыластарын басып озды. Ол жеңіл атлет жылдамдығын, гимнастшының икемділігін және штангист күшін ғана талап етеді. Өрт сөндірушілердің магистралды жеңдік желісін төсеу және ірі өрттерді сөндіру кезінде пайдаланылатын жауынгерлік қанат жаю, шыдамдылықты және командалық рухты, түсіністікті және өзара көмек көрсетуді талап етеді.
Ақтөбе облысының ТЖД бастығы азаматтық қорғау подполковнигі Б. Сыздықов спортшыларды ыстық ықыласпен қарсы алып, чемпионаттардын жоғары деңгейде жетістіктерін көрсеткендері үшін және спорттағы болашақ жеңістері үшін алғысын білдірді.
Кездесу барысында Ақтөбе телеарна өкілдері, департамент және өрт сөндіру қызметінің бастықтарынан, сондай-ақ өрт сөндіру-құтқару спорты бойынша ҚР XXVI чемпионатының қатысушыларынан сұхбат алды.

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

1 -парақ, барлығы 241