Көктемгі-жазғы өрт қауіпті маусымға дайындық PDF Басып шығару E-mail

06.04.2020

Көктемгі-жазғы өрт қауіпті маусымға дайындықКөктемгі-жазғы өрт қауіпті маусымға дайындық

Осы жылы өрт қауіпті кезең күткендегіден әлдеқайда ерте басталды, өйткені қар толығымен еріп, жердің бетіндегі өткен жылғы қураған шөп күннің жылы сәулесімен құрғап үлгерді. Осыған байланысты құрғақ шөптің жануы және өрттің түрлі құрылыстарға өту жағдайлары салдарымен өрт саны артты.
Статистикаға өзінің «үлесін» үйдің жанын және саяжай учаскелерін ретке келтіру кезінде қарапайым сақтық шаралары туралы ойланбастан, қоқысты өртейтін тұрғындар да енгізеді. Мұндай жағдайлар кейде әкімшілік жауапкершілікке тарту мәселесіне де әкеліп жатады.
Міне осы тұста халықтың заңды сұрағы туындайды – учаскелерді жинау кезінде құрғақ шөп және қоқысты қалай жоюға болады?
Ең қауіпсіз тәсілдердің бірі – қоқыстарды рұқсат етілген қала сыртындағы қоқыс орындарына шығару немесе егер бұл құрғақ шөп болса, оны жерге көмуге болады. Жеке тұрғын үйлердің меншік иелері өрт қауіпті кезең басталарда жер учаскелерінде суы бар сыйымдылықтың (бөшкелердің) немесе өрт сөндіргіштің болуын қамтамасыз етуі қажет.
Үйлерді және оларға іргелес аумақтарды жанғыш қалдықтардан, қоқыстан, ыдыстардан және құрғақ өсімдіктерден тазарту керек. Алайда, нысандардан 50 метрден кем қашықтықта орналасқан жерлерде қалдықтар мен ыдысты өртеуге болмайды.
Кәуап дайындалатын орын (стационарлық немесе тасымалды мангал, барбекю) құрылыстардан алыста болуы тиіс. Мангалды ағаштардың түбінде және құрғақ қылқан жапырақпен жабылған жерде жағуға болмайды.
Көп пәтерлі үйлердегі пәтерде ұзақ уақыт болмаған кезде терезелерді, қылтима есіктерін жабу, электр желісін токтан ажырату, жану көзі болуы мүмкін газ құралдарын ажырату және жабу ұсынылады.
ТЖ департаменті тұрғындарға абайсыздық өрт себебі болмас үшін келесі ережелерді: белгіленбеген жерлерде от жағуға болмайтындығын, демалыс кезінде барлық қауіпсіздік шараларын мұқият ойластыру қажет екенін ескертеді. Жануды болдырмау үшін демалыс орындарында қоқыс пен темекі күлін тастамау керек.
Егер сіз шөптің жануына куә болсаңыз, жай қарап өтпеңіз, өрт туралы «101» немесе «112» телефондарына хабарлаңыз.

Ақтөбе облысы ТЖД
Ішкі және сыртқы коммуникациялар тобы

 
Құтқарушылардың өзін-өзі құтқаруы PDF Басып шығару E-mail

03.04.2020

Құтқарушылардың өзін-өзі құтқаруыҚұтқарушылардың өзін-өзі құтқаруы

Енді құтқарушылардың жұмыс күндері дене температурасын өлшеу және жағдайын бақылаудан басталады. Содан кейін жұмыс күні ішінде өрт сөндірушілер өздері жұмыс бөлмелерін, есік тұтқаларын, баспалдақ аралықтарының таяныштарын, жалпы пайдалану орындарын, жұмыс орындарын, оның ішінде телефон аппараттарын, кеңсе жиһазының жұмыс беттерін, компьютерлік перифериялық құрылғыларды дезинфекциялық құралдармен санитарлық өңдеу жұмыстарын шұғыл шығуға тұрақты әзірлікті әлсіретпей отыра жүргізеді.
Бетперделер, қолғаптар, санитайзерлер, дезинфекциялық кілемшелер және кварцтық шамдар міндетті тұрмыстың бір бөлігіне айналды. Өрт пен апаттық-құтқару жұмыстарына шығуды жүзеге асыратын арнайы техниканы дезинфекциялауға ерекше көңіл бөлінген.
Мұндай алдын алу шаралары өзі құтқаруға тиіс адамдар қатарында коронавирустық инфекцияға жол бермеу үшін бағытталған.

Ақтөбе облысы ТЖД
Ішкі және сыртқы коммуникациялар тобы

 
Көктем маусымындағы өрт қауіпсіздігі PDF Басып шығару E-mail

03.04.2020

Көктем маусымындағы өрт қауіпсіздігіКөктем маусымындағы өрт қауіпсіздігі

Құрметті Ақтөбе қаласының тұрғындары мен қонақтары! Көктемнің келуімен және алғашқы жылы күндердің басталуымен, тұрғындар өздерінің аулаларын, сондай-ақ іргелес аумақтарын ретке келтіру жұмыстарын бастайды. Көбіне бұл жұмыстар жиналған қоқысты жағу арқылы жүреді.
Тәжірибе көрсеткендей, тұрғындар өздерінің және көршілерінің қауіпсіздігіне немқұрайлықпен қарайды, құрылыстар маңында және құрғақ шөп көп жерде от жағу арқылы өрттің пайда болуына қауіп төндіреді.
2020 жылдың басынан Ақтөбе қаласының аумағында қоқысты өртеу бойынша 5 өрт оқиғасы тіркелді. Барлық жіберілген фактілер бойынша азаматтар 3-тен 120 айлық есептік көрсеткішке дейінгі мөлшерде әкімшілік жауапкершілікке тартылды.
Ақтөбе қаласының Төтенше жағдайлар басқармасы:
- қоқыстар мен өндіріс қалдықтарын өрттеуге жол бермеу;
- өрт қауіпті жерлерде, ағаштар маңында, қурап қалған шөптер мен қамыстар арасында от жағуға жол бермеу;
- қоқыс жағуға арналған жерді құрғақ шөптен, жапырақтардан, бұтақтардан тазалау;
- от толықтай сөндірілгенге дейін сол орыннан кетпеу керектігін ескертеді.
Өрт тұрғын үйлер мен құрылыстарға оңай ауысып, материалдық шығынға және адамдардың қаза болуына алып келетіндігін есте сақтаңыз!

Ақтөбе қ. ТЖБ

 
4 адам қоқысты өртегені үшін әкімшілік жауапкершілікке тартылды PDF Басып шығару E-mail

02.04.2020

4 человека привлечены к административной ответственности за сжигание мусора4 адам қоқысты өртегені үшін әкімшілік жауапкершілікке тартылды

Бірінші ретке инспекторлар ескертумен шектелді. Қайта жағу жағдайында ҚР ӘҚБтК сәйкес жеке тұлғаларға 3 АЕК (7953 тг) мөлшерінде әкімшілік айыппұл салынады.
Көктем мезгілінің ерте келуімен тұрғындардың өздерінің дала және үй жанындағы жұмыстарына белсене кірісуіне байланысты, соңғы 3 күнде Ақтөбе облысында құрғақ шөп пен қоқыстың жануы бойынша 22 жағдай орын алды.
Көбіне аулалардағы, учаскелердегі құрғақ шөптер мен қоқыстарды жинау және өртеу жұмыстарында өрт қауіпсіздігі ережелерінің сақталмауы шаруашылықтарға материалдық шығын келтіріп, кейде қайғылы оқиғаға да әкеліп жатады.
Сонымен қатар, төтенше жағдайдың енгізілуіне байланысты балалар көп уақытын өз аулаларында өткізеді. Осыған орай, ата-аналарға балалардың отпен ойнауына жол бермеуі және пеште тамақ дайындау кезінде өздері де мұқият болулары қажет.
ТЖ Департаменті өрт қауіпті жерлерде, қураған шөптер мен қамыстар арасында от және қалдықтарды жағуға жол бермеуді ескертеді.

Ақтөбе облысы ТЖД
Ішкі және сыртқы коммуникациялар тобы

 
Басты міндетіміз – құтқару PDF Басып шығару E-mail

27.03.2020

Басты міндетіміз – құтқаруБасты міндетіміз – құтқару

Ерліктің елеусіз қалмайтынының тарих әлдеқашан дәлелдеп берген. Бүгінгі бейбіт заманда апатты жағдайда жәбірленушіге ойланбастан көмек қолын созатын батырларымыз да баршылық. Олардың ішінде өрт сөндіруші мен құтқарушылар да бар. Өзгелерді құтқару үшін жанын беруге дайын нағыз батырлар біздің арамызда. Осы орайда Шалқар ауданының №7 өрт сөндіру бөлімінің және Әйтеке би ауданы Комсомол ауылындағы № 9 өрт сөндіру бекетінінің жүргізушілері - Айбек Майкупов пен Сағит Махсот туралы айтқымыз келеді.
Өрт сөндірушілер бүкіл өмірін әр минут сайын басын қатерге тігіп қана коймай олар, қиын қыстау жағдайда ойланбастан қолын созатын батырларымыз болып келеді. Солардың бірі- қайсарлық пен ер мінезді батыр өрт сөндіру бекетінінің жүргізушілері - Айбек Майкупов пен Сағит Махсот. Еске сала кетер болсақ, ағымдағы жылдың 26 қаңтарында Шалқар ауданындағы Тоғыз станциясында қатты қарлы боран салдарынан үш жергілікті тұрғын жоғалып кеткені туралы хабарламалар түсе бастады. Іздестіру жұмыстарына Әйтеке би ауданы Комсомол ауылының № 9 Өрт сөндіру бекетінен жол талғамайтын «Трэкол» автокөлігі және құтқарушылырдан тұратын топ жүмылдырылған болатын . Гарнизонның қызметкерлері күшейтілген режимде жұмыс атқарып, нәтижесінде адасқандарды аман-есен тауып, Тоғыз станциясына жеткізген болатын. Аталған іздестіру жұмыстарын жүргізу кезінде азаматтық қорғау аға сержанты Майкупов Айбек Асқарұлы мен Сағит Махсот Махсотұлы өзінің қызметтік міндеттерін атқаруда жоғары көрсеткіштер көрсетіп, 2020 жылы 12 ақпанда Ішкі істер министрі, полиция генерал- лейтенанты Ерлан Тұрғымбаевтың қолынан салтанатты түрде «Ерлігі үшін» медалімен марапатталды. Осылайша өрт сөндірушілердің әрекеті бір отбасының тыныштығын сақтады.
Бұл біздің қызметтік міндетіміз, азаматтық борышымыз деп білеміз. Өрт сөндіруші-құтқарушы ретінде төтенше жағдайларда әрқашанда зардап шегушіге көмек беруге әзірміз. Ел тыныштығымен азаматтардың амандығы біз үшін бәрінен маңызды, - дейді біздің батырларымыз.

Ақтөбе облысының ТЖД «ӨСжАҚЖҚ» ММ
Ішкі және сыртқы коммуникациялар тобы

 
Сыбайлас жемқорлықтың жолын кесудің негізгі қадамдары PDF Басып шығару E-mail

27.03.2020

Сыбайлас жемқорлықтың жолын кесудің негізгі қадамдарыСыбайлас жемқорлықтың жолын кесудің негізгі қадамдары

Сыбайлас жемқорлық тәуекелін төмендету мақсатында Департамент Ақтөбе облысы ТЖД бастығының 2019 жылғы 26 қыркүйектегі №149 бұйрығымен бекітілген шаралар кешені қабылдануда.
2020 жылдың 1 тоқсанында гарнизон қызметкерлерінің әр түрлі құқық бұзушылықтарды жасауының алдын алу мақсатында апта сайын жұма күндері бұйрықтарды оқып, келіп түскен шолулар жеткізіледі, жыл басынан бері ІІО – да тәртіптің және заңдылықтың, сыбайлас жемқорлыққа қарсы іс – қимылдың жай – күйі туралы 14 шолу (ТЖК 2-шолуы, ІІМ 4-шолуы, Ақтөбе облысының ПД ӨҚБ 8-шолуы) жеткізілді.
Сыбайлас жемқорлық тәуекелінің деңгейін анықтау үшін 2020 жылғы 26 қаңтар мен 20 наурыз аралығында қатардағы қызметкерлер арасында ішкі сыбайлас жемқорлықты, мүдделер қақтығысын, лауазымдық өкілеттіктерін асыра пайдалануды, қызметтік жағдайын асыра пайдалануды және өзге де сыбайлас жемқорлық құқық бұзушылықтарды қабылдау тұрғысынан анонимдік сауалнама жүргізілді. Ағымдағы жылдың 20 наурызында департаменттің барлық құрылымдық және ведомстволық бағынысты бөлімшелерінде өткізілген қатардағы жеке құрам арасында жасырын сауалнаманың нәтижелері туралы ақпарат Ақтөбе облысының ПД ӨҚБ-на жіберілді (сауалнама жүргізу нәтижелері бойынша ішкі сыбайлас жемқорлық, мүдделер қақтығысы, лауазымдық өкілеттіктерін асыра пайдалану, қызмет бабын теріс пайдалану және өзге де сыбайлас жемқорлық құқық бұзушылықтар анықталған жоқ).
Қызметтік және жеке автокөлікті пайдалану, жол қозғалысы ережелерін бұзу фактілерін анықтау және жолын кесу үшін 17-21 қараша аралығында басшы лауазымындағы қызметкерлерге тікелей бағынысты жеке құрамның қызметтік және жеке автомашиналарын тексеру тапсырмасы берілді. Тексеру нәтижесі бойынша әр түрлі бөлімшелердің басшылары өткізілген іс-шаралар туралы баянатпен баяндады. Барлығы 58 бірлік жеке автокөлік тексерілді, онда келесі бұзушылықтар анықталды: жарамды өрт сөндіргіш болмауы – 2, медициналық дәрі қобдишасының жоқ болуы - 0, авариялық белгінің жоқ болуы - 1.
ӨҚТ қызметкерлері Ақтөбе облысының ТЖД КСБ-мен бірлесіп ішкі істер бөлімшелеріне жеке құрамның жұмыс уақыты режимін сақтау бөлігінде еңбек заңнамасын сақтауына кенеттен тексеру жүргізілді. Тексеру нәтижелері бойынша осы уақытқа дейін бұзушылықтар анықталған жоқ.
Сонымен қатар, ағымдағы жылы прокуратура, «Атамекен» ҰКП, кәсіпкерлер мен «Нұр Отан» партиясы өкілдерінің қатысуымен 7 дөңгелек үстел өткізілді. Кеңес өткізу барысында кәсіпкерлер мен мемлекеттік мекемелерге қатысты Департамент тарапынан өрт қауіпсіздігі және азаматтық қорғаныс саласындағы бақылауды жүзеге асыру тәртібіне қатысты бірқатар мәселелер түсіндірілді.
Кәсіпкерлік субъектілері үшін кедергілерді анықтау және жою бойынша жүргізіліп жатқан жұмыстар туралы ақпарат жеткізілді және өрт қауіпсіздігіне қатысты бөлігінде ҚР кейбір заңнамалық актілеріне енгізілген өзгерістер мен толықтырулар бойынша, сондай-ақ азаматтық қорғаныс саласындағы профилактикалық бақылау және тексеру саласында енгізілген өзгерістер бойынша ақпарат толық түсіндірілді.
Айқындық қағидатын іске асыру үшін Департаменттің барлық комиссиялары мен қоғамдық құрылымдарының және оның ведомстволық бағынысты бөлімшелерінің құрамына азаматтық қоғамның өкілі – Департаменттің Ардагерлер кеңесінің төрағасы енгізілді.
Бұл бағыттағы жұмыстар жалғасуда.

 
Жұқа мұз үстіндегі қауіпсіздік PDF Басып шығару E-mail

26.03.2020

Жұқа мұз үстіндегі қауіпсіздікЖұқа мұз үстіндегі қауіпсіздік

2020 жылғы 25 наурызда Ақтөбе қаласының Төтенше жағдайлар басқармасы «ӨС және АҚЖҚ» ММ қызметкерлерімен бірлесіп Ақтөбе су қоймасын, Қарғалы және Елек өзендерін аралап шықты.
Рейд жүргізу барысында балықшыларға мұздағы қауіпсіздік ережелері түсіндіріліп, жадынамалар таратылды.
Осы орайда, Басқарма қайғылы жағдайлар адамдардың мұздағы қарапайым ережелерді білмейтіндіктен орын алатынын еске салады. Бұтақтар, шөп және басқа да заттар бар жерлерде мұз әрқашан өте жұқа болып келеді. Сондай-ақ, қармен жабылған мұз да қауіпті, өйткені қатып қалған заттар мен балықшылардан қалған шұңқырлар көрінбейді. Көбінесе, балық аулау кезеңінде жұқа мұз үстінде балалар мен мас күйіндегі адамдар суға кетіп жатады.
Егер қайғылы оқиға орын алса, көмекке шақыру керек. Сондай - ақ, егер Сіз осындай жағдайдың куәгері болсаңыз, «112» - құтқару қызметі нөміріне қоңырау шалыңыз.

Ақтөбе қ. ТЖБ

 
Ақтөбе облысы ТЖД бастығының құттықтауы PDF Басып шығару E-mail

22.03.2020

Ақтөбе облысы ТЖД бастығының құттықтауыҚұрметті Ақтөбе облысы тұрғындары және әріптестер!

Баршаңызды Ұлыстың Ұлы күні – Наурыз мерекесімен шын жүректен құттықтаймын! Наурыз – іргесі сөгілмес бірліктің берекесі, ырысы төгілмес тірліктің мерекесі.
Жақсылықтың жаршысы, жаңа жылдың бастауы – Наурыз мейрамы туған жер топырағына құт - береке әкелсін! Елімізді өркендетуге, халқымыздың әл-ауқатын жақсартуға бағытталған алқымды шараларды жүзеге асырудағы қажырлы қызметтеріңіз әр дайым табысты болып, ойға алған барлық арман, жоспарларыңыз орындалсын.
Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын!
Ұлыс оң болсын, ақ мол болсын!

Ізгі ниетпен,
Ақтөбе облысы Төтенше жағдайлар
департаментінің бастығы
азаматтық қорғау полковнигі
Аманбаев Марғұлан Топашұлы

 
<< Бірінші < Алдыңғысы 1 2 3 4 5 6 7 8 9 10 Келесі > соңғы >>

1 -парақ, барлығы 287